სასიყვარულო პოეზია
REKLAM BANNER
მთავარი » 2015 » ივნისი » 17 » რა გახდა სტიქიური უბედურების მიზეზი თბილისში? - შმაგი ჩოხელი

ჩვენ გირჩევთ (დაჭირეთ ნებისმიერ სურათს რათა განვაგრძოთ არსებობა):

loading...

7:25 PM
რა გახდა სტიქიური უბედურების მიზეზი თბილისში? - შმაგი ჩოხელი
რა გახდა სტიქიური უბედურების მიზეზი თბილისში - ,,კოალიცია საზოგადოებრივი ინიციატივას“ წარმომადგენელი, ეკოლოგი შმაგი ჩოხელი სტიქიის მიზეზებზე საუბრობს და იმ ექსპერტების ბრალდებას პასუხობს, რომლებიც მომხდარს ყოფილი ხელისუფლების პირობებში, მდინარე ვერეს მიმდებარე ტერიტორიაზე ვაკე-საბურთალოს ახალი გზის აშენებას უკავშირებენ. ,,ნიუპოსტი“ ექსპერტის მოსაზრებას უცვლელად გთავაზობთ: როგორც ცნობილია, თბილისში გახშირებული ნალექის შედეგად 13-14 ივნისს ბეთანია-წყნეთის ტერიტორიაზე ჩამოწოლილმა მეწყერმა მდინარე ვერეს კალაპოტის ჩახერგვა მოახდინა. შეიძლება ითქვას, რომ ბუნებამ თბილისის მისასვლელთან გაიკეთა დამბა, რომელმაც გამოიწვია დიდი დაგუბება. სამწუხაროდ თბილისის თავზე დიდი წყლის მასის წარმოქმნა ვერავინ შეამჩნია და შესაბამისად, არ განხორციელებულა აუცილებელი ღონისიძიებები - დამბის თანდათანობით აფეთქება/დემონტაჟი და რაც მთავარია მოსახლეობის გაფრთხილება/ევაკუაცია. შედეგები ცნობილია - დამბამ ვეღარ გაუძლო წყლის მასას, გასკდა და წვიმისგან ისედაც ადიდებულ მდინარე ვერეს კალაპოტს შეურთდა, რასაც მოჰყვა ვერეს ხეობის დატბორვა: სვანიძის ქუჩა, ვაკე-საბურთალოს ახალი გზა, ხილიანი მიმდებარე ტერიტორია, ვარაზის ხევი და მისი მიმდებარე ტერიტორია. რამოდენიმე საათიანმა გახშირებულმა წვიმამ გამოიწვია სავალი გზის პარალიზება, გაითიშა ელექტროენერგია, ადგილზე მოსული სამაშველო ბრიგადები უშედეგოდ ცდილობდნენ მოქალაქეების დახმარებას, რამაც გამოიწვია მსხვერპლი, დღევანდელი მონაცემებით დაღუპულია 14 ადამიანი და პარალელურად მიმდინარეობს დაკარგულების ძებნა. ათობით ოჯახი უსახლკაროდ დარჩა და უამრავ საცხოვრებელ ადგილს ზიანი მიადგა. აღსანიშნავია ისაც, რომ თბილისის ზოოპარკისა და თამაზ ელისაშვილის ძაღლების თავშესაფრის მობინადრე ცხოველების უმლავლესობაც დაიხოცა. მოგეხსენებათ, რომ კლიმატის ცვლილების შედეგად სხვადასხვა ეკოლოგიური ზიანი ადგება დედამიწას მათ შორის უხვი ნალექის მოდინება, რომელიც იწვევს ნიადაგის ეროზიას, მეწყერს და ა.შ. სწორედ ამ შემთხვევას ჰქონდა ადგილი ბეთანია - წყნეთის ტერიტორიაზე 13 ივნისის ღამეს. სამწუხაროა, რომ ტრაგედიის შედეგების ლიკვიდაციის, დაღუპულთა ახლობებლების მწუხარების გაზიარებისა და დაზარალებულთა დახმარების ნაცვლად ზოგმა პოლიტიკოსმა და არაამთავრობო ორგანიზაციების წარმომადგენლებმა სტიქიური უბედურების თავის ვიწრო მერკანტილური ინტერესებისთვის გამოყენება გადაწყვიტეს. გაისმა ყოვლად უსაფუძვლო განცხადებები, რომელიც მომხდარში პირდაპირ ადანაშაულებდა წინა მთავრობას. აღსანიშნავია, ეუდარდ შევარდნაძის მთავრობის ყოფილი გარემოს დაცვის მინისტრის, (რომელსაც უკავშირდება ეკოლოგიურად გაუმართლებელი არაერთი პროექტის დამტკიცება) ამჟამად მწვანეთა მოძრაობის თანათავმჯდომარის, ნინო ჩხობაძის მიერ მედია საშუალებების მეშვეობით გაკეთებული განცხადება, რომლის თანახმად მომხდარ სტიქიურ უბედურებაში დანაშაული მიუძღვის თბილისის ყოფილ მერს გიგი უგულავს, რომლის მერობის პერიოდშიც მდინარე ვერეს მიმდებარე ტერიტორიაზე ვაკე-საბურთალოს ახალი გზა აშენდა. ბრალდების არსი იმაში მდგომარეობს, რომ გზის მშენებლობის დროს მდინარე ვერეს კალაპოტი პატარა გვირაბში მოექცა და მომხდარი დატბორვა აღნიშნული გვირაბის პარალიზებამ გამოიწვია. ამ განცხადებას რეალობასთან საერთო არ გააჩნია. ზემოაღნიშნული პროექტის განხორციელებისას არ მომხდარა ჯერ კიდევ გასული საუკუნის სამოციან წლებში საბჭოთა კავშირის დროს გაკეთებული გვირაბების დემონტაჟი ან მათი მოცულობის შემცირება. პირიქით არსებულს დაემატა რამოდენიმე ახალი. ამგვარად მდინარე ვერეს გამტარუნარიანობა აღნიშნულ მონაკვეთზე, როგორც მინიმუმ არ შემცირებულა. აქვე ავღნიშნავთ, რომ ძირითადი პრობლემა სწორედ ძველ გმირთა მოედნის ქვეშ მდებარე გვირაბის დაცობამ გამოიწვია. აქვე შეგახსენებთ, რომ ანალოგიურ ეკოლოგიურ კატასტროფებს ანუ მდინარე ვერეს კალაპოტიდან გადმოსვლას და მიმდებარე ტერიტორიის დატბორვას ადგილი ჰქონდა 1960, 1972, 1995 წელს. ხოლო გასული საუკუნის 80იანი წლების შუაში მდინარე ვერედან მოვარდნილმა წყალმა გამოიწვია მდინარე მტკვრის ადიდება, რის შედეგადაც დაიტბორა მაშინდელი პლეხანოვის გამზირი (დღევანდელი დავით აღმაშენებლის გამზირი) და მიმდებარე ტერიტორია. რაც მთავარია, როგორც ზემოთ ავღნიშნეთ და რასაც დამოუკიდებელი ექსპერტებიც ადასტურებენ, დატბორვის მიზეზი აღნიშნული გვირაბის პარალიზება კი არა, არამედ უშუალოდ ბეთანია - წყნეთის მიმდებარე ტერიტორიაზე ჩამოწოლილმა მეწყერმა გამოიწვია, როდესაც ძლიერი დინება მოაწვა ვერეს ხეობას გვირაბმა ვერ გაატარა და მოხდა ტერიტორიების დატბორვა. უნდა ავღნიშნოთ, რომ ყოვლად უზნეოდ მიგვაჩნია ადამიანების ტრაგედიის ფონზე პოლიტიკური, ყოვლად უსაფუძვლო ბრალდებების გაკეთება. ასეთი საქციელი ან განმცხადებლის არაკომპეტენტურობაზე ან მის სურვილზე, თავისი მერკანტილური მიზნების გამო, ფაქტების მანიპულაციით, საზოგადოების შეგნებულად შეცდომაში შეყვანის სურვილზე მეტყველებს. საზოგადოებად თავად გადაწყვიტოს, რომელ შემთხვევასთან გვაქვს ამჯერად საქმე.

მამამ ცუდ დროს შეუსწრო შვილს (VIDEO)

loading...
კატეგორია: ახალი ამბები | ნანახია: 121 | დაამატა: cosa-naff | ტეგები: რა გახდა სტიქიური უბედურების მიზეზი | რეიტინგი: 0.0/0
სულ კომენტარები: 0
Visual HTML editor
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]