სასიყვარულო პოეზია
REKLAM BANNER
მთავარი » 2015 » ივნისი » 17 » ,,კერძოა, ივანიშვილს ეკუთვნის... მისთვის საკუთარი ზოოპარკის ბინადარნი წარმოადგენენ ფასეულობას“ - თარგამაძე

ჩვენ გირჩევთ (დაჭირეთ ნებისმიერ სურათს რათა განვაგრძოთ არსებობა):

loading...

7:30 PM
,,კერძოა, ივანიშვილს ეკუთვნის... მისთვის საკუთარი ზოოპარკის ბინადარნი წარმოადგენენ ფასეულობას“ - თარგამაძე
ნაციონალური მოძრაობის წევრი გივი თარგამაძე დღეს, ლაგუნა-ვერეს ტერიტორიაზე ვეფხვის მიედ ერთი ადამიანის დაგლეჟვის ფაქტს სოციალური ქსელით ეხმაურება და აცხადებს, რომ მომხდარზე პასუხისმგებლობა ჯანელიძეს და გომელაურს ეკუთვნის. ,,ამჟამად უკვე ლიკვიდირებულმა თეთრმა ვეფხვმა დღეს ლაგუნა-ვერეს ტერიტორიის დასასუფთავებლად მისული მამაკაცი მოკლა. ვინაა პასუხისმგებელი? ვფიქრობ, პასუხის მოძებნა ადვილია. კრიზისების მართვის ცენტრის ხელმძღვანელი მინდია ჯანელიძე, რომელმაც გუშინ განაცხადა, რომ ცხოველები ქალაქში აღარ არიან, დღეს ზოოპარკის ადმინისტრაციას ადებს ხელს და ამბობს, ჩვენ მათს ინფორმაციას ვეყრდნობოდითო. არადა, ზოოპარკის ადმინისტრაცია გუშინ გარკვევით ამბობდა, ერთ ვეფხვს, ერთ დათვს და ერთ ზოლიან აფთარს ვეძებთო: http://www.tabula.ge/…/97344-zooparkis-administracia-gushin… ჯანელიძის ფუნქცია ზოოპარკის ადმინისტრაციის ინფორმაციის ბრმად ნდობა არ არის. მას ევალება გადამოწმება და ასპროცენტიანი დასკვნის დადება. ჯანელიძის გუშინდელ განცხადებას თუ ვნახავთ, ის ამბობს კიდეც, რომ ინფორმაცია გადაამოწმა (ალბათ, წესით, შსს-ს მეშვეობით) და დაადასტურა, რომ ზოოპარკის ადმინისტრაციის მიერ ძებნილი ცხოველები ქუჩაში არ იმყოფებიან: http://www.interpressnews.ge/…/334898-mindia-janelidze-am-e… საზოგადოება სანდო ინფორმაციას იღებს არა ზოოპარკის დირექტორის, არამედ მთავრობის პასუხისმგებელი პირების და მისი ხელმძღანელისგან. სწორად ასე მიიღო საკუთარი უსაფრთხოების გარანტიები პრემიერინისტრისგან, რომელიც მისი კაბინეტის წევრ ჯანელიძეს დაეყრდნო, ადამიანმა, რომელიც ამჟამად ცოცხალი აღარ არის. http://newposts.ge/?l=G&id=78476- ამას ემატება პატრულის კონკრეტული თანამშრომლის მიერ დადასტურებული ინფორმაცია, რომ ჯერ კიდევ წუხელ გვიან ღამით 112-ს და საპატრულო პოლიციას ჰქონდა ინფორმაცია ცხოველის კონკრეტულ ადგილმდებარეობაზე, მაგრამ, გვიანი დროის გამო, მოქმედებები არ განხორციელდა და არც დილით მოხდა აღნიშნული ტერიტორიის გადაკეტვა, რაც შსს მინისტრის პირდაპირ პასუხისმგებლობაზე მიუთითებს. ამდენად, აშკარაა, რომ კონკრეტული ადამიანის გარდაცვალებაზე პირადი პასუხისმგებლობა მიუძღვის ღარიბაშვილის კაბინეტის ორ მინისტრს - ჯანელიძეს და გომელაურს, ასევე თავად პრემიერმინისტრს, რომელმაც გუშინდელ ინტერვიუში თავად გასცა უსაფრთხოების გარანტიები. მთავრობის წევრებისა და მერის მიერ ზოოპარკის დირექტორისკენ ჯგუფური თითების გაშვერა ამორალური და ამაზრზენია. მთავრობის წევრები და პრემიერი ზოოპარკიდან ამბების მომტანები არ არიან. ისინი პასუხს აგებენ თითოეულ საკუთარ სიტყვაზე.პრემიერის განცხადებაც რომ არ ყოფილიყო, ნებისმიერ ცივილიზებულ ქვეყანაში ორი მინისტრის ასეთი კატასტროფული შეცდომის შემდეგ მთავრობის ხელმძღვანელი და მთელი მთავრობა უპირობოდ გადადგებოდა. ეს არის მათი მორალური პასუხისმგებლობა, სისხლის სამართლებრივი კი პროკურატურამ და სასამართლომ უნდა დაადგინონ. P.S. თეთრი ვეფხვი ლაგუნა-ვერეს ტერიტორიაზე, სავარაუდოდ, მანამდეც ნახეს, თუმცა, ეგონათ მკვდარი. ამ ტერიტორიიდან ამდენი დღის მანძილზე ცხოველთა ლეშების არგატანას კი ხელისუფლების წარმომადგენლები იმით ხსნიდენ, რომ ტერიტორია კერძოა და იქ მუშაობის უფლება არ აქვთ. მართლაც, კერძოა და ბიძინა ივანიშვილს ეკუთვნის, რომელმაც არც თავად დაასუფთავა და არც სხვები მიუშვა. როგორ ჩანს, მისთვის მხოლოდ საკუთარი ზოოპარკის ბინადარნი წარმოადგენენ ფასეულობას“ - წერს გივი თარაგამაძე.

მამამ ცუდ დროს შეუსწრო შვილს (VIDEO)

loading...
კატეგორია: ახალი ამბები | ნანახია: 189 | დაამატა: cosa-naff | ტეგები: ივანიშვილს ეკუთვნის... მისთვის საკუ, კერძოა | რეიტინგი: 0.0/0
სულ კომენტარები: 0
Visual HTML editor
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]